“ பாதகம் செய்பவரைக் கண்டால் நீ பயம் கொள்ளலாகாது பாப்பா”, “ பிச்சை வாங்கி உண்ணும் வாழ்க்கை பெற்றுவிட்ட போதிலும் அச்சமில்லை அச்சமில்லை அச்சமென்பதில்லையே”, “ நல்லதோர் வீணை செய்து அதை நலங்கெடப் புழுதியில் எறிவதுண்டோ”, “ஆதலினால் காதல் செய்வீர்”, “வீழ்வேன் என நினைத்தாயோ” என பாரதி பல கவி வரிகள் எத்தகைய சோர்விலிருந்தும், எத்தகைய துயரத்திலிருந்தும் கடந்து செல்வதற்கு துணையாய் இருந்திருக்கின்றது. தனது குடும்பத்தின் வறுமையை சிந்திக்காமல் ஓரு சித்தனைப் போல் வாழ்ந்தவன் பாரதி. அவன் எனது ஆன்மீக வழிக்காட்டி. அவன் விழியின் ஒளியிலிருந்து துலக்கம் பெறுகிறது என் பாதை. அவனது தடங்களை ஒட்டி நடப்பதில் துயரொன்றுமில்லை. பாரதி உனக்கு என்னுடைய வணக்கமும் முத்தங்களும்.
No comments:
Post a Comment